వెల్లుల్లి దీనిని వాడటం వలన మన శరీరానికి కలిగే ఉపయోగాల గురించి ఇప్పటికే ఎన్నో సార్లు తెలుసుకున్నాం . ఎందుకంటే మన శరీరానికి అవసరమైన ఎన్నోరకాల ఔషధగుణాలు వెల్లుల్లిలో పుష్కలంగా ఉంటాయి . ముఖ్యoగా సహజ సిద్దమైన యాంటీ బయోటిక్, యాంటీ ఫంగల్ ,యాంటీ వైరల్ ,యాంటీ మైక్రోబియల్ లక్షణాలు పుష్కలంగా ఉంటాయి . ఇవే కాదు ఇంకా ఎన్నో ఉపయోగాలు వెల్లుల్లి వాడటం వలన మనకు కలుగుతాయి .
మనం చాలా వంటకాల్లో ఉపయోగించే వంట పదార్థాలలో వెల్లుల్లి ఒకటి. వెల్లుల్లిని మనం డైరెక్ట్ గా కానీ, పేస్టు రూపంలో గాని ఉపయోగిస్తాం. వెల్లుల్లికి ఒక స్పెషల్ వాసన ఉండడంతో పాటు వెల్లుల్లి వల్ల ఆరోగ్యానికి కూడా ఎన్నో ఉపయోగాలు ఉన్నాయి. అందుకే అందరూ తరచుగా వెల్లుల్లి వాడుతారు.వెల్లుల్లిని తినడానికి మాత్రమే కాకుండా మరొక రకంగా కూడా వాడొచ్చు. వెల్లుల్లి రెబ్బను దిండు కింద పెట్టుకొని పడుకుంటే కూడా ఆరోగ్యానికి ఎంతో మంచిదట. అదెలాగంటే.వెల్లుల్లి రెబ్బలు దిండు కింద పెట్టుకోవడం వల్ల నిద్రలేమి సమస్య తగ్గుతుందట, వెల్లుల్లి వాసన వల్ల మెదడు చురుగ్గా పని చేస్తుందట, అలాగే నెగిటివ్ ఎనర్జీ మన దగ్గరికి రాదట.
ఇంకా పీడ కలలు రావడం కూడా తగ్గుతాయట.వెల్లుల్లిలో ఉండే యాంటీ బ్యాక్టీరియల్ గుణాలు రక్త సమస్యలని తగ్గిస్తాయట. కాలేయ సమస్యలు వచ్చే అవకాశం కూడా తక్కువగా ఉందట. అంతే కాకుండా చాలా మంది బట్టతల సమస్యలతో బాధపడుతూ ఉంటారు. కాబట్టి పైన చెప్పినట్టుగా వెల్లుల్లిని ఉపయోగిస్తే బట్టతల సమస్య కూడా తగ్గుతుందట.మామూలుగా కూడా వెల్లుల్లి తరచుగా వాడటం ద్వారా బ్లడ్ ప్రెషర్ సమస్యలు తగ్గుతాయి, దాంతో గుండెకు సంబంధించిన సమస్యలు వచ్చే అవకాశాలు తక్కువగా ఉంటాయి. జలుబు లాంటి కామన్ ఆరోగ్య సమస్యలకు కూడా వెల్లుల్లిని ఉపయోగిస్తారు. ఉదయం సమయంలో పచ్చి వెల్లుల్లి తీసుకుంటే డైజేషన్ సరిగ్గా అవుతుందట, ఇంకా బరువు కూడా కంట్రోల్ లో ఉంటుందట.